المكان:- فى خيمة
المنظر:- ليلى جالسة على الأرض وتنقى الأرز
(يدخل قيس)
ليلى:- (لقيس) قيس إبن عمى عندنا...يا مرحبا يا مرحبا
قيس:- كم جئت ليلى بأسباب ملفقة...ما كان أكثر أسبابى وعلاتى
ليلى:- (لقيس) ما تتكلم عربى ياد
قيس:- حلاوتك بالعجوه...أبوكى فين يابت؟
ليلى:- في السايبر
قيس:- يعنى أحنا هنا لوحدنا ؟
ليلى:- والشيطان صايع
قيس:- أنا ما بفكرش فى هذه الأمور معاكي
ليلى:- ليه ما اشبهش البنات ولا اية
قيس:- مش العباره بس.....
ليلى:- (تقاطعه) وحياه أبويه يا قيس لو ما انعدلت معايا
لأكون موّلعه ف خيمتك بصفيحة بنزين
قيس:- إهدئى يا ليلى( ويخرج من جيبه سيجارة كبيرة الحجم ويديها لـ ليلي)
مساء الالوان...إعمليلك سحابه دخان
ليلى:- (فى دهشة) أنت بتحشش يا قيس؟!!
قيس:- إضربى يا شيخه إضربى
ليلى:- ( تأخذ نفساً عميقاً من السيجاره) إيه البقسماط ده...دا مضروب يا حبة عينى
قيس:- بقسماط!!! إيه فهّمك إنتى فى الكيف....إنتى اَخرك تكركرى
بالجوزه من غير معسل
ليلى:- (فى تحدى) طب إستنى ( وتتجه نحو الداخل)
قيس:- ( ليلى) رايحه فين؟
ليلى:- هجيبلك تربة حشيش (وتدخل)
الأب:- (يدخل الخيمة ويفاجأ بوجود قيس) قيس!!...هنا مع ليلى
وامصيبتاه..فلتمطرى صابون سايل أيتها السماء
الاب :- إنت بتعمل إيه هنا ياد ياقيس؟ !!!!!!!!!!!
قيس:- أنا كنت جايلك يا عمى عشان تيجى تصلح لنا السيفون
كل مابويا يدخل الحمام ينحشر فيه
دانت شغلك زباله..الواحد بعد كده يبقى يجيب سباك نضيف
الأب:- (فى إنفعال) أين ليلى...ليلى...ليلى
ليلى:- (تدخل وفى يدها تربة حشيش) أبى ..؟؟
ماالذى أتى بك مبكراً...إنت مش قولت هتعقد ساعتين في السايبر ..؟؟
الأب:- النت فصل...إيه اللى ف إيدك ده؟!!
ليلى:- دى تربة حشيش هديها لقيس تموين الشهر
الأب:- (فى ذهول) ياللعار!!...من أين أتيتى بها
ليلى:- ماتخافشي يابا دة من التموين بتاعي الحشيش بتاعك لسة جوة بحالتة
الأب:- ( فى راحة نفسية) أة ..إذا كان كده معلش
ليلى:- ( تعطى الحشيش لقيس) خد يا قيس جرب الصنف دا واحكيلى
قيس:- (يأخد الحشيش) ليلى بعدد الجوانات التى بضربها
وبعدد الأحجار التى قمت برصها وبعدد الأنفاس التى قمت بتسليكها
أشكرك بضمير !!
الأب:- بقولك أيه ياقيس إنت مش ناوى تتجوز ليلى قبل ما تخرج م الضمان
قيس:- وانت ترضهالى برضه يا أونكل؟
الأب:- خسئت...هات ياد تربة الحشيش اللى خدتها
قيس:- ( يعطيه الحشيش) إمسك ياعم إنت هتذل إمى بحتة الحشيش بتاعتك
لعلمك بقه الصنف اللى أنت فرحان بيه دة بيتباع فى الجمعيه مع اللحمه البرازيلى
الأب:- (لقيس) إمشى ياد إطلع بره
قيس:- تصبح على نقاله ياعمى
الأب:- أغرب عن وجهي
موضوع: حوار بين قيس وليلى 2007_حلاوتك بالعجوه...أبوكى فين يابت؟ 
السبت مارس 28, 2009 3:46 pm
